යටත් විජිතවාදයේ සාහසික ඉරණමෙන් බැට කන - පලස්තීනය

 

 2023 ඔක් 7 දින “ අල් අක්සා ප්‍රවාහය ” (Operation Al-Aqsa Flood) නමින් හමාස් දියත් කළයුධ ක්‍රියාන්විතය  ඊශ්‍රායල් -පලස්තීන ගැටුම්වල   නව අදියරයක ආරම්භය සනිටුහන් කරයි.  ඊශ්‍රායල් හමුදා බාධක බිඳ හෙළමින් රට ඇතුලට ගොඩින් , මුහුදෙන්  රිංගාගත් හමාස්වරු ඊශ්‍රායලයේ එක් කොනක සිට අනෙක් කොන දක්වාම මිසයිල 3000 ක පමණ මහා රොකට් ප්‍රහාරයක් දියත් කරමින් ඊශ්‍රායල  හමුදා කදවුරුවලට, සමාන්‍ය ඊශ්‍රායල් වැසියන්ට පහරදෙමින් ඊශ්‍රායල් රජය  අන්දමන්ද කරනු ලැබ ඇත.   මේ ප්‍රහාරයන්ගෙන් එක දවසක් ඇතුලත මරා දැමුනු ඊශ්‍රායල් හමුදා සහ සාමාන්‍ය වැසියන්ගෙ ප්‍රමාණය 1200 ට වැඩිය. 150 ට වැඩි ඊශ්‍රායල් වැසියන් හා හමුදා සොල්දාදුවන් ප්‍රමාණයක් ද පැහැරගෙන ගොස් ගාසා තීරයේ රඳවාගෙන සිටී. ඊශ්‍රායල් ඉතිහාසයේ දරුණුතම ඛේදවාචකය ලෙසත් හිට්ලරගේ යුදෙව් සංහාරයට පසු සිදුවූ භයානකම යුදෙව් ඝාතනය බවත් සමහර විචාරකයන්ගේ මතය යි.  පලස්තීනයේ සිට ක්‍රියාත්මක තවත් ප්‍රහාරක කණ්ඩායම් රාශියක් හමාස්වරුන්ගේ මේ ප්‍රහාරයට සහාය දක්වමින් සම්බන්ධවී ඇත.

හමාස් ප්‍රහාරයට ප්‍රතිචාර දක්වමින් ඊශ්‍රායල් රජය සමස්ත පලස්තීනුවන්ට එරෙහි යුධ ප්‍රකාශකර සිටී,  “ යකඩ අසිපත ක්‍රියාන්විතය”( Operation Swords of Iron )නමින් දියත් කර ඇති පලස්තීනය “ සුද්ධ කිරීමේ” යුධ මෙහෙයුම දැන් ක්‍රියාත්මක වෙමින් පවතී.

කාටූනයක කතාව --

 

කෑලි කඩා හැලුන කාර් එකක බොනට්ටුව ඇරගෙන ඇන්ජිම උඩ ඉඳගෙන මහින්ද අහනව “  මේකෙ වටිනා කෑලි සේරම විකුණල ඇයි දැන් ඔය රෝද හතර කුඩුකරන්නෙ?

“ අපෙන් පස්සෙ වෙන එකෙකුට මේක තල්ලුකරගෙනවත් ඉස්සරහට යන්න බැරිවෙන්න.! “    රනිල් උත්තරදෙනව කුළු ගෙඩියක් උස්සගත්ත ගමන්.....

                දේශපාලකයෙක් මිණිය හැක්කේ ඒ දේශපාලකයා වේදිකාවේ හඬ ගා කියන දේවලින් හෝ ඔහු වෙනුවෙන් නිකුත්කෙරන මාධ්‍ය ප්‍රකාශවලින් නොව, ඒ දේශපාලකයා ගේ අරමුණු හා බලාපොරොත්තු කොතෙක් දුරට ඔහුගෙ තත්‍ය ක්‍රියාකාරිත්වය සමග, විශේෂයෙන් අතීත ක්‍රියාකාරිත්වය සමග ගැලපෙන්නේද කියන කරුණ මගින් ය. ඇත්ටම දැන් රනිල් වික්‍රමසිංහ, අනුප්‍රාප්තික ජනාධිපතිවරයා  කරමින් ඉන්නේ ඔහුට බැරි දේ අනාගතයේ වෙන කාටවත් කරන්න බැරි විදියට රට ප්‍රපාතවකට ඇද දැමීම ය. මේ ඔහුට ලැබීඇති අවසාන අවස්ථාවයි. ඉදිරි අවස්ථාවක් ගැන සිතාගැනීම සිහිනයක්ම විතරයි.

මහජන ව්‍යාපාරය පිළිබඳ ජවිපෙ කියවීම

 

අනුර කුමාර දිසානායකගේ පර්ත් නුවර ප්‍රකාශය බලය හා රාජ්‍යය පිළිබඳ ජවිපෙ නිර්මාක්ස්වාදී අවබෝධය හා පිළිගැනීම ඉතා නිරවුල්ව එළිදැක්වූවා සේ ම මහජන ව්‍යාපාරය පිළිබඳ ජවිපෙ සැබවින්ම දරන මතය ද එලෙසම එළි දක්වා තිබේ. අනුරගේ වචන මෙහෙමයි.

“අපි ජනතා විමුක්ති පෙරමුණේ සිට ජාතික ජන බලවේගය කියලා එකක් ගොඩ නගන්නේ ඇයි? අපි දන්නවා ජනතා විමුක්ති පෙරමුණ ලෙස ගත්තම ජනතා විමුක්ති පෙරමුණට යම් කෙනෙකුට සම්බන්ධවීම ටිකක් දුෂ්කරයි වගේ. ඒ වගේම සමහර අය ජනතා විමුක්ති පෙරමුණට දුරයි... සමහර අයට ජනතා විමුක්ති පෙරමුණ දුරයි. එතකොට මොක ද වෙන්නේ? එතකොට අපි කල්පනා කළා මේ ඔක්කොටම එකතු වෙන්න පුළුවන් මධ්‍යස්ථානයක්, ජාතික ජනබලවේගය ගොඩ නගන්න....”